ҚР Президенті Жоғары Еуразиялық экономикалық кеңес отырысына қатысады
24 Желтоқсан, 2013 09:00
Мемлекет басшысы Нұрсұлтан Назарбаев Жоғары Еуразиялық экономикалық кеңес отырысына қатысу үшін Мәскеуге келді, деп Ақорданың баспасөз қызметі хабарлады.
«Сапар барысында Ресей Федерациясының Президенті Владимир Путинмен кездесу жоспарланған», - делінген хабарламада.
Отырыста интеграциялық құрылымдар – Кеден одағы мен Бірыңғай экономикалық кеңістік аясындағы өзара ықпалдастықтың негізгі аспектілері, сондай-ақ Еуразиялық экономикалық одақты қалыптастыруға қатысты мәселелер талқыланатын болады.
