Индонезия ЕАЭО-мен ынтамақтастық орнатуға мүдделі

24 Мамыр, 2017 17:23

Еуразиялық экономикалық одақ (ЕАЭО) пен Индонезияның сауда-экономикалық қарым қатынасын дамыту мүмкіндіктері Удаян университетіндегі (Денпасар, Индонезия Республикасы), «Еуразиялық экономикалық одақ: Индонезия үшін мүмкіндіктер мен кедергілер» халықаралық семинарда талқыланды.

Еуразиялық экономикалық комиссияның интеграция және макроэкономика министрінің көмекшісі Федор Черницын өз сөзінде Комиссия көпжақты және екіжақты форматтағы диалог үшін ашық екенін жеткізді.

Федор Черницын шетелдік бизнес үшін бірыңғай еуразиялық нарыққа жол ашатын Одақтың ағымдағы қызметінің мақсаты мен міндеттері жайлы айтып берді.

Жиналғандар Еуразиялық комиссияның бірлескен жұмыс тобы аясында шетелдік серіктестермен жұмыс істеу тәжірибесін жоғары бағалады. Айта кетерлік жайт, мұндай топтар Камбоджа мен Сингапурда бар.

«Бұл серіктестік үлгісі қолайлы және тиімді болып табылады.сҚұрлықтық еуразиялық серіктестік идеясын жүзеге асыру аясында біз ЕЭК – Индонезия форматында екіжақты негізде немесе көпжақты форматта диалог жүргізуге дайынбыз және халықаралық байланыстарды дамытудамыз», - деп атап өтті ЕЭК өкілі.

Барлық жаңалықтар