Сенаторлар Астанадағы қоқыс өңдейтін зауытта болды
23 Мамыр, 2017 15:41
«Өңір» депутаттар тобының құрамына кіретін ҚР Парламентінің сенаторлары «KazRecycleService»ЖШС қоқыс өңдейтін зауытта болды. Құны 36 млн еуро болатын жоба жылына 250 мың тонна қатты тұрмыстық қалдықтарды өңдеуге есептелген.
Парламентарийлер испан, италиялық, австриялық және финдік өндірістің техникасымен қағазды және пластикті өңдейтін және қалдықтарды іріктейтін қатты тұрмыстық қалдықтарды қайта өңдеу мен сұрыптау кәсіпорнының жұмысымен танысты.
Сонымен қатар, депутаттер «Астана Эко-Полигон НС» кәсіпорнында да болды. Бүгінде аталмыш кешеннің екінші кезегінде құрылыс-монтаж жұмыстары аяқталды және ол 5-7 жыл бойы 2 млн тонна қалдықты қабылдауға есептелген.
Шара ағымдағы жылдың 31 мамырында Сенатта өтетін «Астана мысалында ҚР-дағы қатты тұрмыстық қалдықтарды өңдеу мүмкіндігі мен проблемалары» дөңгелек үстел отырысына дайындық аясында өткізілді.
Қайрат Жандыбаев
