Сенатта Конституциялық кеңестің мүшесі лауазымына тағайындау мәселесі талқыланды
23 Мамыр, 2017 15:30
Парламент Сенатының құқық қорғау органы мен сот жүйесі, конституциялық заңнама комитетінің мүшелері Конституциялық кеңестің мүшесі лауазымына тағайындау мәселесін талқылады.
Сенаттың баспасөз қызметі хабарлағандай, Комитеттің кеңейтілген отырысында Конституциялық кеңес төрағасының 2017 жылғы 26 мамырдан бастап ҚР Конституциялық кеңес мүшесі Убайдулла Стамқұловтың өкілеттігінің аяқталуы қаралды.
Сондай-ақ, Комитет Парламент Сенаты төрағасының Конституциялық кеңес төрағалығына Рахмет Мұқашевті тағайындау ұсынысын қарады.
Құжаттар Палата қарауына жіберілді.
