ТКШ жаңғырту: Жамбыл облысында 128 үй жөндеуден өткізілді

Бағдарламаны іске асырудың басында 610 үйді күрделі жөндеу талап етілсе, бүгінгі таңда 3 млрд теңгеге жуық сомаға 218 үй, соның ішінде республикалық бюджет есебінен 2,5 млрд теңге сомасына 172 үй жөндеуден өткізілген. Қайтарылған қаражат есебінен 46 үй жөнделген. 

Бүгінде, әкімдіктің мәліметі бойынша, жөндеуді талап ететін кондоминиум объектілерінің саны 25 пайызға дейін төмендеген. 

Өңірлерді дамытудың 2020 жылға дейінгі бағдарламасы аясында Жаңатас және Қаратау қалаларында өткен жылы 598 млн теңгеден астам сомаға су құбыры желілерін қайта құру және тұрғын үйлерді жаңғырту бойынша 3 жоба іске асырылған. 

Бұдан бөлек, әкімдікте өткен жылы көлік инфрақұрылымын дамытуға және автомобиль жолдарының сапасын арттыруға 9,9 млрд теңгеге жуық қаражат бағытталғаны туралы ақпарат берілді. Бөлінген қаражат есебінен 15,2 км автожол салынып, 496  км жол орташа жөндеумен қамтылған. Нәтижесінде, қанағаттанарлық және жақсы жағдайдағы жолдардың үлесі 75,5%-ға дейін өссе, 2010 жылы бұл көрсеткіш 54,6 %-ға тең болған. Ағымдағы жылы бұл көрсеткішті 77%-ға дейін жеткізу жоспарланып отыр.