СҚО-да Орталық азиядағы ең iрi ет комбинаты iске қосылатын болады
19 Мамыр, 2017 18:33
Солтүстік Қазақстан облысында Орталық азиядағы ең iрi ет комбинаты iске қосылатын болады, деп хабарлады аймақ әкімдігі.
Ет комбинатының жобалық қуаттылығы — 15 мың тонна салқындатылған ет пен 9 мың тонна шұжық өнiмдерi. Бұл — қомақты әлеует.
«Ет комбинаты iс жүзiнде салынғаннан берi жұмыс iстеген жоқ, тiптi пайдалануға берiлгендiгi жөнiнде актi де жоқ. Қазiр барлық iс тездетiлдi. Оны 1-1,5 айдан кейiн iске қосылады», - делінген хабарламада.
Толықтырып кететін болсақ, комбинатта 100 жұмыс орны ашылатын болады.
