Ордабасы ауданында инвестиция көлемі 1 млрд 330 млн теңгеге артты

19 Мамыр, 2017 09:07

Ордабасы ауданында 2017 жылдың 4 айында ауыл шаруашылық саласында 6 млрд. 346 млн. 300 мың теңгенің өнімі өндірілген, деп хабарлады аудан әкімі Алмасбек Мамытбеков өңірлік коммуникация қызметінде өткен баспасөз конференциясында.

Аудан басшысының айтуынша, Ордабасы ауданында ағымдағы жылдың 4 айында инвестиция көлемі 1 млрд. 330 млн. теңгені құраған.

«Ауданынмызда жоспарға сәйкес 15 гектар жылыжай құрылысын салу жоспарланып, бүгінгі күнге 7,2 гектар жылыжай құрылысы жүргізілуде. Ағымдағы жылы жоспар толық 100 пайызға орындалады. Бұдан бөлек, ауыл шаруашылығы дақылдарын өсіруге қарқынды су үнемдеуші технологиялары ендірілген егістік жердің көлемі –жалпы 4524 гектарды құрады. Қазіргі таңда Ордабасы ауданында тамшылатып суару әдісі 624 гектарға жерге ендірілген», - деді А.Мамытбеков.

Айта кетерлік жайт, кәсіпкерлік саласы аудан экономикасындағы шағын және орта бизнес үлесі 29 пайызды құрайды. Тіркелген шағын және орта кәсіпкерліктегі кәсіпорындардың саны 9 686-ға жеткен. Бұл құрылымдар бойынша 20 852 адам жұмыспен қамтылып отыр.

Бұдан басқа, 2017 жылдың басынан бастап шағын және орта бизнес субъектілерімен өндірілген өнім көлемі 4 айда 7 млрд. 068 млн. теңгеге жетіп, одан түскен салық көлемі 106 млн 100 мың теңгені құраған.

Барлық жаңалықтар