• Басты
  • Монако Князі Астанадағы ЭКСПО-2017 көрмесін тамашалауға келеді (ФОТО)
18 Мамыр, 2017 17:54

Монако Князі Астанадағы ЭКСПО-2017 көрмесін тамашалауға келеді (ФОТО)

Маусымның 25 күні өтетін Монаконың Ұлттық күні аясында Альбер II князі Астанадағы ЭКСПО-2017 мамандандырылған көрмесін тамашалауға келеді. Бұл туралы Монако павильонын таныстыруға арналған баспасөз конференциясында белгілі болды.
Монако Князі  Астанадағы ЭКСПО-2017 көрмесін тамашалауға келеді (ФОТО)

Монако Князьдігінің ұлттық секциясы комиссарының орынбасары Александр Бокийонның айтуынша, көрме алаңында 25 маусымда Монаканың ұлттық күні өтеді және оған қос елдің жоғары дәрежедегі қонақтары қатысады.

«Ұлттық күннің басты қонақтары Монако Князі  Альбер II мен оның қарындасы Стефания болады. Сонымен қатар, аталмыш жобаның бас спонсоры белгілі спортшы Александр Винокуров екенін атап өту керек. Ол көрме барысында күн энергиясынан жұмыс істейтін велосипедті таныстыратын болады», - деп ағынан жарылды А. Бокийон.

Павильонның ашылу салтанаты 10 маусымда өтсе, 12 маусымда павильон бойынша баспасөз туры өтеді. Қонақтар мен келушілердің назарына  Монте Карло цирк өнерінің фестивалі ұсынылады, оған Монако, Қытай мен Қазақстанның 30-дан астам әртісі қатысады.

Сонымен қатар, көрме қонақтары Монако павильонында кафе мен дүкендерді аралай алады, онда Княздіктегі  танымал компаниялардың өнімі ұсынылады.

Естеріңізге сала кетейік, бүгін Монако Князьдігі «Астана ЭКСПО-2017»ҰҚ»АҚ баспасөз турында өзінің көрме павильонын таныстырды.

Салтанат Сұрағанова

Барлық жаңалықтар