Астанада Әлемдік және дәстүрлі діндер көшбасшылары съезі хатшылығының XVI отырысы өтуде
«Ағымдағы жылы Қазақстан Президентінің бастамасымен елімізде саяси жүйені демократияландыруға және жергілікті басқарушы және өзін-өзі басқарушы органдардың құқықтық әрекеттерін жетілдіруге бағытталған конституциялық роформа жүргізілді. Конституциялық реформаның нәтижесі бойынша жаңа үлгі еліміздің Ата заңында бекітілді. Сонымен қатар, бүгін алдымызда туындап отырған көптеген мәселелер бойынша жауаптарды өткен жылы Нұрсұлтан Назарбаев жариялаған «Әлем. XXI ғасыр» манифестінен табуға болады», - деді өз сөзінде Қ. Тоқаев.
Құжатта дағдарыстық және шиеленіскен жағдайларды бейбіт жолмен шешудің тексерістен өткен жолдары көрсетілген.
«Манифест БҰҰ-ның ресми құжаты дәрежесін алды. Бұл құжатты алтыншы съезде талқылау бізді қауіпсіз және әділ әлемге жақындата түседі деген ойдамын. Хатшылықтың бүгінгі отырысы өтіп кеткен Бесінші съездің шешімдерін жүзеге асыруда өз үлесін қосады деген сенімдемін», - деп ағынан жарылды Сенат спикері.
Адамзат біріге отырып өркениеттер дінінің қақтығысын болдырмауы тиіс.
«Бүкіл әлем дін басшыларына үлкен сеніммен қарап отыр. Біздің дәстүрге айналған кездесуіміз нәтижелі болады деген ойдамын», - деп түйді Қ. Тоқаев.
Айта кетерлік жайт, съездге әлемдік және дәстүрлі діндердің 40-тан астам өкілі шақырылды.
Ақбота Күзекбай
