ШҚО-да автобустарда жол жүру ақысын жүрген қашықтық бойынша төлеу жоспарлануда
18 Мамыр, 2017 16:13
Шығыс Қазақстанда автобустарда жол жүру ақысын жүрген қашықтық бойынша төлеуді енгізу жоспарланып отыр, деді Еуропалық қайта құру және даму банкінің инфрақұрылым департаменті директорының орынбасары Бахтиер Файзиев облыс әкімімен кездесуде.
Устинка Live хабарлағандай, жақын уақытта Өскемен және Семей қалаларының қоғамдық көлігінде жол ақысын төлеудің жаңа жүйесін енгізу жоспарланып отыр.
«Мұндай шаралар тасымалдаушылардың жолаушылар ағымын ашық етуге мүмкіндік береді. Жолаушылар қанша жол жүрсе, сонша төлейді », - деп түсіндірді Бахтиер Фазиев.
Департамент директоры орынбасарының айтуынша, ЕҚДБ жобаны маусым айының соңында таныстырмақ. Таныстыру кезінде барлық есептер мен тәуекелдер ұсынылады.
