Астанада ҚХА жастар қанаты "Туған жер" бағдарламасын іске асыру жоспарын талқылады
18 Мамыр, 2017 11:53
Астана қаласында Қазақстан халқы Ассамблеясының жастар қанатының өкілдері ұлттың рухани жаңғыруына әкелетін "Туған жер" бағдарламасын іске асыру бойынша нақты ұсыныстар жасады, деп хабарлады астана әкімдігі.
Бағдарламаны іске асыру мақсатында ауқымды қалалық жоспар құрылды.
Бүгінгі таңда қалалық Қазақстан халқы Ассамблеясында 25 этно-мәдени бірлестік бар.
«Жаңғыру, жаңару туралы айтқанда алдымен бұның жастарға қатысы болады. Өйткені, жастар – өркениетке, өркендеуге бастайтын қоғамның қозғаушы күші. Бұл туралы Мемлекет басшысы үнемі айтып жүреді. Мысалы, тіл меңгеру – жастарға қатысты айтылған ой. Қазір жаңа технологиялардың енуіне байланысты барлығы автоматтандырылған. Компьтер тілін жетік меңгеру де жастарға қатысты айтылған. Ең бастысы, рухани және мәден даму", - деп түйіндеді «Жас Отан» жастар қанатының төрағасы Дәурен Ұзақбаев.
