«Туған жер» бағдарламасының сараптамалық кеңесі бірінші отырысын өткізді

Л.Гумилев атындағы ЕҰУ базасында беделді қоғамдық және ғылыми қызметкерлер, үкіметтік емес ұйымдар, жетекші сарапшылар мен мамандар санынан тұратын Сараптамалық кеңес құрылды. Сараптамалық кеңес «Туған жер» бағдарламасын іске асырудың негізгі тұжырымдамалық тәсілдерін қарастырды, ол «Тәрбие және білім», «Атамекен», «Рухани Қазына»,  «Ақпарат толқыны» атты төрт кіші бағдарламадан тұрады.  Көрсетілген кіші бағдарламаларды іске асыру 14 негізгі бағыт бойынша жүргізіледі, олардың әрқайсысы бойынша тиісті жобалар мен іс-шаралар іске асырылатын болады.

Бағдарламаны тиімді іске асыру мақсатында жобалық басқару әдіснамасын қолдану туралы шешім қабылданғанын айта кету қажет.

Отырыс барысында Сараптамалық кеңес мүшелері тұжырымдамалық тәсілдер бойынша нақты ұсыныстар мен ұсынымдар берді.

Қорытындылай келе, Сараптамалық кеңес төрағасы – Л.Гумилев атындағы ЕҰУ ректоры Е. Сыдықов талқылаудың құрылымдылығын және оның «Туған жер» бағдарламасының тұжырымдамалық тәсілдерін жетілдіру бойынша пайдалылығын атап өтті және Сараптамалық кеңес мүшелеріне сарапшылар мен консультанттар ретінде жобалық топтардың жұмысына, сондай-ақ іске асырылатын жобалардың қоғамдық мониторингіне белсенді қатысуды ұсынды.