ОҚО-да төрт айда 26 мыңнан астам адам жұмысқа орналастырылды

2017 жылы мемлекеттік және салалық бағдарламалар негізінде 66764 жаңа жұмыс орындары ашылатыны жоспарланып, оның ішінде, 5677 адам жұмыспен қамту органдары арқылы жұмысқа орналасатыны көзделді, - деп атап өтілген хабарламада.

Әкімдіктің мәліметі бойынша, 2017 жылдың 1 мамырына 4870 жаңа жұмыс орындары ашылды. Оның ішінде, 115 орын «Индустриялды-инновациялық даму» бағдарламасы (42,1%), 396 орын «Бизнестің жол картасы 2020» (55,9%), 3987 орын мемлекеттік салалық бағдарламалар арқылы (23,1%), 237 орын «Өңірлерді дамыту» мемлекеттік бағдарламасы аясында (0,6%) ашылған. Ашылған жаңа жұмыс орындарына 1201 азамат жұмыспен қамту органдары арқылы жұмысқа орналасқан.

Сонымен қатар, «2017-2021 жылдарға арналған нәтижелі жұмыспен қамтуды және жаппай кәсіпкерлікті дамыту»  бағдарламасын жүзеге асыру аясында республикалық бюджеттен 10879,6 млн.теңге бөлінеді және 64 314 адам қамтылады деп көзделуде.