ОҚО-да 75 метр биіктікте ЭКСПО-2017 логотипі орнатылды
17 Мамыр, 2017 09:34
Оңтүстік Қазақстан облысындағы Қазығұрт асуында 75 метр биіктікте ЭКСПО-2017 логотипі орнатылды, деп хабарлады ОҚО әкімдігі.
Әр қанаты 10 метрді құрайтын логотип ЭКСПО- 2017 халықаралық мамандандырылған көрмесін насихаттау мақсатында орнатылып отыр.
ЭКСПО-2017 логотипі - жаңартылатын энергияларды – күн энергиясы, теңіз толқындарын, жердің магниттік өрісі мен жел ағындарының күш-қуаты мен символдарын біріктіреді. «Болашақтың энергиясы» атты көрменің тақырыбына сәйкес, ашық таза түстер пайдаланылған. Яғни логотип нысаны ЭКСПО-2017 идеясын толығымен ашып, сонымен бірге Қазақстаннның технология жетістіктерін анық көрсетеді.
