• Басты
  • Ақтөбелік мектептердің түлектеріне облыс әкімінің гранттары беріледі

Ақтөбелік мектептердің түлектеріне облыс әкімінің гранттары беріледі

16 Мамыр, 2017 18:17
2018 жылдан бастап әр түрлі халықаралық, республикалық олимпиадалар мен жарыстардың жүлдегерлері болып табылатын, бірақ ҰБТ қорытындылары бойынша оқуға мемлекеттік грант алу үшін жеткілікті балл жинай алмаған мектеп түлектеріне облыс әкімінің гранттары берілетін болады. Бұл туралы өңір басшысы Бердібек Сапарбаев «Әсем» лагерінде демалып жатқан мектеп оқушыларымен кездесу барысында хабарлады.

«Мемлекет басшысы білім беру саласын дамытуға және өскелең ұрпақты тәрбиелеуге ерекше көңіл бөледі. Елімізде балалар мен жасөспірімдерді жан-жақты дамыту үшін барлық жағдайлар жасалған. Сіздердің міндеттеріңіз – берілген мүмкіндіктерді тиімді пайдалану, жеке жоғары адамгершілік дамумен қатар жақсы білім алу», - деп атап өтті Бердібек Сапарбаев.

Балаларға арналған жыл бойғы лагерь оқуға, шығармашылықпен және спортпен айналысуға шындап қарайтын оқушыларды көтермелеу жобасы ретінде 2016 жылғы қазанда облыс әкімінің бастамасымен ашылғанын айта кету керек. Жоба «Ақбөбек-Шығыс» лагерінің базасында мемлекеттік-жеке меншік әріптестік аясында іске асырылған. Лагерь 12 күнге созылатын бір ауысымда халықаралық, республикалық олимпиадаларға, ғылыми және спорттық жарыстарға, шығармашылық байқауларға қатысушы 115-ке жуық баланы қабылдайды. Лагерьде демалу мен сауықтыруға ғана емес, сонымен қатар, балаларға жалпы білім беру пәндері бойынша өз білімдерін тереңдету мүмкіндігін бере отыра, олардың жан-жақты дамуына да көңіл бөлінеді. 

Барлық жаңалықтар