• Басты
  • Еңбек министрлігі мамандарды даярлау бойынша 8 арнайы жоба жасақтады

Еңбек министрлігі мамандарды даярлау бойынша 8 арнайы жоба жасақтады

16 Мамыр, 2017 11:38
Өңірлердің ұсынысын есепке ала отырып ҚР БҒМ бірлесіп еңбек нарығында үлкен сұранысқа ие мамандарды даярлау бойынша арнайы 8 жоба жасақталды, деп хабарлады ҚР Еңбек және халықты әлеуметтік қорғау министрлігі.

Жоба аясында өңірлерде, 16 мыңнан астам адам қамту көзделген. Бүгінде олардың 9,5 мың адамы оқуға ден қойды. 

Қостанай облысында, бағдарламаның алғашқы бағыты аясында (Бағдарлама қатысушылар техникалық-кәсіби оқумен және қысқа мерзімді кәсіби біліммен қамтамасыз ету), ағымдағы жылы 1000-нан астам адамды оқыту жоспарланып, оған 200,9 млн теңге қарастырылған.

Биылғы сәуір айынан, өндірістен тәжірибелі оқытушыларды тарта отырып, коледждер мен жұмыс берушілердің оқу орталықтары ауқымында қысқа мерзімді курстарды жүзеге асыру басталған.

Бұдан басқа, бес облыста (Ақмола, Ақтөбе, Шығыс Қазақстан, Маңғыстау және Қостанай облыстарында) шалғай ауылдық елдімекендерде тұрып жатқан адамдарға білім алуды ұйымдастыру үшін мобильді оқу орталықтарын қолдану жағы сыналады.  

Облыс әкімдерімен бірлесе отырып, мемлекеттік жобалар, салалық бағдарламалар және өңірлерді дамыту бағдарламалары аясында құрылатын 127 мың жаңа жұмыс орны (Қостанай облысында - 5,5 мың жұмыс орны), заңды тұлғалар жаңадан құратын 219 мың жұмыс орны (Қостанай облысында – 7,7 мың жұмыс орны) және азаматтардың зейнет жасына жетуі мен бала күтіміне байланысты демалысқа шығуы бойынша қосымша босайтын 288 мың жұмыс орны (Қостанай облысында – 10,9 мың) анықталған. Ағымдағы жылдың аяғына дейін жұмыссыз және өзін жұмыспен қамтыған халық үшін қор болып саналатын 635 мың еңбекпен қамтылатын жұмыс орны пайда болмақ (Қостанай облысында – 24 мың жұмыс орны). Аталған іс-қимылдардың нәтижесінде министрлік пен әкімдіктер арасында сәйкес көрсеткіштерге қол жеткізуге қатысты меморандумдарға қол қойылған.

Барлық жаңалықтар