АХҚО және Цинхуа университеті білім саласындағы бірлескен жобалар бойынша жұмыс жүргізеді
15 Мамыр, 2017 20:03
Пекинде «Астана» халықаралық қаржы орталығы (АХҚО) мен Цинхуа университеті арасындағы өзара түсіністік пен ынтымақтастық туралы меморандумға қол қою рәсімі өтті.
АХҚО хабарлағандай, Меморандум жасаудың негізгі мақсаты – қаржы орталығы қызметкерлерінің біліктілігін арттыруға бағытталған бірлескен білім және зерттеу жобаларын іске асыру.
АХҚО басқарушысы Қайрат Келімбетов атап өткендей, халықаралық деңгейдегі мамандарды даярлау АХҚО-ның әлемдік стандарттарға сәйкес келетін қаржылық хаб ретінде қалыптасуы үшін маңызды міндеттердің бірі болып табылады.
Цинхуа университеті Қытайдың элиталық тоғыз жоо құрамына кіретінін айта кеткен жөн. Цинхуа университеті ҚХР университеттерінің ұлттық рейтингінде үнемі бірінші орын алады.
