• Басты
  • 2014 жылдан бастап «Серпін» жобасы бойынша 877 жамбылдық студент оқуға түсті

2014 жылдан бастап «Серпін» жобасы бойынша 877 жамбылдық студент оқуға түсті

16 Мамыр, 2017 08:43
Жамбыл облысында 13 мамыр күнінен бастап 17 мамырға дейін барлық аудандарда «Серпін» күндері өткізілуде. Серпін күндері аясында ауылды елді мекендерде орналасқан мектеп бітіруші түлектері және ауыл жастарымен кездесулер ұйымдастырылып, үгіт-насихат жұмыстары жүргізілуде, деп хабарлады облыс әкімдігі.

Айта кетерлік жайт, «Серпін-2050» әлеуметтік жобасы аясында Жамбыл облысынан  2014 жылы - 172,  2015 жылы – 443, 2016 жылы – 262, барлығы 877 білімгер оқуға түсті. Оның: 715-і жоғарғы оқу орындарына, 162-і колледждерге педагогикалық, техникалық, технологиялық, ауылшаруашылығы, медициналық мамандықтар бойынша білім алуда. 

«Жоғары оқу орнына түсу үшін түлектер  ҰБТ немесе кешенді тестлеуге қатысуы  тиіс. ҰБТ мен  кешенді тестлеуден кем дегенде 50 ұпай жинау керек. Бұл  төменгі шектік деңгей. Бұл шарт жоғары оқу орындарына түскісі келетіндерге ғана қатысты. Ал, колледждер үшін мұндай шарт жоқ. Дегенмен, колледждерге де қабылдау емтиханы  болады. Колледждерге  жоғары оқу орындарына түсе алмаған және 2-3 жыл бұрын оқу бітіріп, грант иегері атана алмаған, ақылы бөлім бітірген азаматтар осы арнаулы орта оқу  орындарын таңдауларына  болады. Сонымен бірге,   жобаға қатысқысы келетіндердің жасына  шектеу қойылмайды», - деп атап өтті  Жамбыл облысы әкімдігі білім басқармасының техникалық және кәсіптік білім беруді дамыту орталығының басшысы Саясат Есеев.

23-31 шілде күндері мемлекеттік білім беру гранттарын тағайындау бойынша конкурсқа құжаттар қабылданады. 

Барлық жаңалықтар