«Қазавтожол» 40-тан астам жол учаскесін жөндеуден өткізді

15 Мамыр, 2017 15:48

Су тасқыны кезінде еліміздегі бірқатар тас жолдар, дәлірек айтсақ 42 жол учаскесі бұзылды. Бүгінде су тасқыны салдарын жою жұмыстары 41 жол учаскесі бойынша аяқталды. Бұл туралы «Қазавтожол» РМК бас директоры Ұлан Әліпов ҚР ИДМ-дағы «Қазавтожол» қызметінің қорытындысына арналған баспасөз конференциясында хабарлады.

Ұлан Әліпов хабарлағандай, су тасқыны салдарынан 42 жол учаскесіндегі жолдар мен жасанды құрылыстар бұзылды.

«2016 жылғы көрсеткшітермен салыстыратын болсақ ағымдағы жылдың зақым келтіру көрсеткіштері 2,5 есе асып түсті. Бүгінде 41 жол учаскесі бойынша жөндеу жұмыстары аяқталып, 180 метр жол қабаты, 7,1 мың метр жол жиегі, 13 дана су өткізу құбыры қалпына келтірілді», - деп хабарлады Қазавтожол.

Бұдан басқа, Кешенді мақсатты бағдарламаның екі айлық жұмысының бағыттары таныстырылды.

«Шұңқыр жөндеу, жолтабандар мен жол тарамдарын жою, жол белгілерін орнату, жол қоршауларын жөндеу, жүргін бөлікті сызып белгілеу, автопавильондар мен демалыс алаңдарын жөндеу жұмыстары жүргізілуде. Бүгінде барлық жұмыстар кестеге сай жүргізілуде және ағымдағы жылдың 15 маусымына дейін Кешенді мақсатты бағдарламасы жоспарының 60%-ын орындау көзделуде» - деп түйді спикер.

Ақбота Күзекбай

Барлық жаңалықтар