Қазақстанда Норвегия күндері өтеді
15 Мамыр, 2017 14:32
Алматы мен Павлодарда Норвегия күндері аясында шаралар өтеді. Барлық шаралар 17 мамырда аталып өтетін норвегиялықтардың жалпыхалықтық сүйікті мейрамы – Конституция күніне арналған. Бұл туралы Scandinavian Council мәдениет, өнер мен білім беру қорынының хабарламасында айтылған.
Алматыда 17-20 мамырда, Павлодарда 20-21 мамырда Норвегияның мәдениеті сіңген ересектер мен балаларға арналған кездесулер, кештер мен шеберлік сыныптар өткізіледі.
Сонымен, Алматыда 18 мамырда #NordicTravelPublicTalk: Норвегия бойынша саяхат шарасы өтеді. Қонақтарды суреттермен, карталарбар қызықты оқиғалар күтуде. Онда Норвегия бойынша саяхаттаудың барлық ерекшеліктері атап көрсетіледі.
20 мамырда С. Бегалин атындағы балалар кітапханасында Норвегиялық ертегілер күні өтеді. Неміс театрының әртістері бірқатар норвеж халық ертегілерін айтып береді.
Айта кетерлік жайт, Қазақстандағы Норвегия күндерін Scandinavian Council мәдениет, өнер мен білім беру қоры ұйымдастыруда.
