13 Мамыр, 2017 15:23
«Нұрлы жол»: Шардарада 2 көпқабатты үй салынады
Оңтүстік Қазақстан облысынының Шардара қаласында «Нұрлы жол» бағдарламасы аясында 2 көпқабатты тұрғын үй салынады, деп хабарлады Шардара ауданының әкімі Болатбек Қыстауов Өңірлік коммуникация қызметінде өткен брифингте.
Болатбек Қыстауовтың айтуынша, «Нұрлы жер» тұрғын үй бағдарламасы аясында Шардара қаласындағы Астана және Әл-Фараби көшелерінен 40 пәтерлі көпқабатты 2 тұрғын үйдің құрылысы басталады.
«Бұл бойынша бүгіні таңда жобалау-сметалық құжаттар әзірленіп жатыр. Ал биылғы жылы үш ауылдық округте, яғни, Сүткент, Ақшеңгелді, Егізқұм ауылдарында жергілікті бюджеттен бөлінген 64 млн. теңгеге бір пәтерлі 9 үйдің құрылысы аяқталып, пайдалануға береміз деп отырмыз»,-деді аудан әкімі.
Жалпы Шардара ауданында бүгінгі таңда 996 отбасы тұрғын үй кезегінде тіркелген. Олардың ішінде 126-сы жетім балалар мен ата-анасының қамқорлығынсыз қалған балалар.
