Ақмола облысында жыл басынан бері жүк тасымалдаушыларға 98 арнайы рұқсат берілді
12 Мамыр, 2017 18:46
Ақмола облысында арнайы рұқсаттар беру арқылы мемлекет бюджетіне 8 млн теңгеден астам қаржы келіп түсті. Жалпы, 2017 жылдың басынан бастап автомобиль тасымалдаушыларына 98 арнайы рұқсат қағаздары берілді, деп хабарлады Ақмола облысы бойынша көліктік бақылау инспекциясы.
Айта кетерлік жайт, инспекция аймақтың аумағындағы жүк тасымалдауға тұрақты түрде көліктік бақылау жүргізеді. Ірі габаритті және ауыр жүктерді арнайы рұқсат қағазысыз тасымалдаған жағдайда ҚР Әкімшілік кодексінің 593 бабы, 3, 4 бөлімдері бойынша әкімшілік құқық бұзушылық бойынша іс қозғалады.
Арнайы рұқсат – ауыр және ірі габаритті автокөлік құралдарын өткізу үшін рұқсат беретін құжат.
