Алматылық балалар үйіне 170 млн теңгенің көмегі көрсетіледі

Алматы әкімдігі мен қалалық Білім басқармасы,«Нұрсұлтан Назарбаевтың білім қоры» қоғамдық қоры және «Халық» қайырымдылық қоры» жеке қоры ынтымақтастық туралы меморандумға қол қойды, осы келісім аясында №1 балалар үйіне қайырымдылық көмегі көрсетілетін болады.

«Нұрсұлтан Назарбаевтың білім қоры» қоғамдық қоры директорының орынбасары Ғайша Сыздықованың айтуынша жоба барысында спорт залы, тамақтану блогы қайта жасалады, аула айналасы  абаттандырылып, компьютерлік жабдықтармен жарақтандырылады және ресурстық база жаңартылады.

«Біз Президент ұсынған «Туған жер» бағдарламасын алғашқылардың бірі болып жүзеге асыруды өзімізге борыш әрі құрмет санаймыз. Жергілікті билікпен, «Халық» қайырымдылық қорымен» бірлесе отырып, №1 балалар үйін түгелдей қайта жөндеуден өткізіп, жаңартамыз. Білім беру жүйесін жетілдіру, оны жоғары деңгейге көтеру үшін үлкен жұмыстар жүрігізіледі. Ақпараттық технологияларды меңгеру,мектептен тыс бағдарламалар бойынша сабақтар өтеді, түлі шығармашылық үйірмелер ұйымдастырылады. Сонымен қатар, балалар үйі педагогтарының біліктілігін арттыру да қакрастырылған», - деп атап өтті Ғ.Сыздықова.

Сонымен,  3 жастан 18 жасқа дейінгі 109 бала тәрбиеленіп жатқан балалар үйінің білім беру- тәрбиелеу қызметін дамытуға, материалдық – техникалық жарақтандыруға және инфрақұрылымын дамытуға қор тарапынан 170 миллион теңге бөлу жоспарланған.