• Главная
  • Германия ЭКСПО-2017 көрмесіндегі өзінің павильонын таныстырды (ФОТО)
11 мая, 2017 19:34

Германия ЭКСПО-2017 көрмесіндегі өзінің павильонын таныстырды (ФОТО)

Астанадағы ЭКСПО-2017 халықаралық мамандандырылған көрмеде Германия павильонының таныстырылымы өтті. Ашылу салтанатына Қазақстандағы Германия Федеративті Республикасының елшісі Рольф Мафаэль, ЭКСПО-2017 көрмесіндегі Германия павильонының комиссары және түрлі ірі неміс компанияларының өкілдері қатысты.
Германия ЭКСПО-2017 көрмесіндегі өзінің павильонын таныстырды (ФОТО)

Қазақстандағы ГФР елшісі Рольф Мафаэль атап өткендей, Германия барлық қатысушы елдердің ішінде ең ірі павильонды таныстырады.

«Тиімділік, сақтау, климатты қорғау және қоршаған ортаны қорғау саласындағы саясаты Германия үшін 20 жыл бойы маңызды мәселе болып келеді. Сондықтанда біз заманауи жаңартылатын энергия көздері бойынша барлық шараларға қатысқымыз келеді. Біз осы процестердің дамуына өз үлесімізді қоссақ дейміз», - деді елші.    

Рольф Мафаэль толықтырып кеткендей,  көрмеге келішулердің ішінде неміс ұлтының өкілдерімен қатар Германияда тұратын қазақ диаспорасының өкілдері өте көп болады.

«Сонымен қатар жеке саяхатшыларда келетін болады. Біздің естуімізше мұнда мотоцикл мен велосипедте келгісі келетіндер өте көп. Біз үшін олардың шынымен өз көліктерінде осы елге жете алатыны қызықты болып отыр», - деп бөлісті ол.

Павильонның «Болашақ картасы» залында үлкен карта қойылады, онда жаңартылатын энергия көздерін алудың негізгі жолдары көрсетілетін болады.

Германия павильонының «Болашақ қаласы» екінші залы адамның өмір сүру ортасына арналады.

Мұнда құрылыс, көлік салаларының өнімі мен жүйесі, «ақылды үй» үшін технологиялар, электрмобиль мен мотоциклдардың жаңа үлгілері қойылады. «Энергетикалық шоу» лазерлік қойылымы көрменің ең жарқын бөлігі болады.

Айта кетерлік жайт, неміс көрмесі бір сағатта  400 адамды қабылдай алады.

Ақбота Күзекбай

Фото Бауыржан Жуасбаев