ОҚО-ның 300 тұрғыны Ақмола облысында жұмысқа орналастырылады
11 Мамыр, 2017 16:57
Оңтүстіктікқазақстандық 300 азамат Ақмола облысында ірі кәсіпорындардың бірі болып табылатын «Новопэк» компаниясында жұмыс істеуге мүмкіндік алды.
ОҚО әкімдігінен хабарлағандай, мұндай келісімге облыс әкімінің орынбасары Ербол Садыр мен «Новопэк» ЖШС-нің басқарушы директоры Айдар Жақыповпен болған екі жақты меморандум аясында қол жеткізілді.
Айдар Жақыповтың айтуынша, облыстан баратын 300-ге жуық азаматты жұмыспен қамтып, баспана мәселесін шешуге көмектеседі.
Айта кетерлік жайт, 2003 жылы негізі қаланған «Новопэк» компаниясы полимерлік қаптама нарығында көпжылдық көшбасшы болып табылады. Зауыт Австрия, Италия, Түркия және Тайвань елдерінің заманауи құрал-жабдықтарымен жабдықталған. Аумағы 45 мың шаршы метрді құрайтын кешен 600 адамды жұмыспен қамтуға мүмкіндігі бар. Бүгінде өндіріс орны айына 8 млн. дана өнім шығарады.
