ОҚО-дан Астанаға 262 тонна көкөніс керуені жол тартты
11 Мамыр, 2017 09:34
Астанада Оңтүстік Қазақстан облысы ауыл шаруашылығы өнімдерінің жәрмеңкесі өтеді, деп хабарлады аймақ әкімдігі.
Осыған орай облысымыздың ауыл шаруашылығы тауар өндірушілері құны 135,6 млн теңге болатын 262 тонна көкөніс керуенін Астанаға жөнелтті. Оның ішінде жылқы еті - 22 тонна, күрке тауық еті – 15 тонна, ұн өнімдері - 10 тонна, қызанақ – 71 тонна, қияр – 71 тонна, сүт өнімдері - 7 тонна, шұжық өнімдері – 3 тонна, балық өнімдері – 3 тонна, қымыран – 1 тонна, 10 мың дана жұмыртқа бар.
Айта кетерлік жайт, Оңтүстік Қазақстан облысы ЭКСПО көрмесі аясында 6 рет жәрмеңке өткізеді. Осы аралықта Оңтүстіктің шаруалары ауыл шаруашылығы өнімдерінің 28 түрінен 12 мың 976 тонна тауар жөнелтеді. Бұл мақсатта облыстан 35 ірі және қосалқы шаруа қожалықтары мен кәсіпорындары іріктеліп алынған.
