СҚО мектептерінің 140 түлегі «Алтын белгiге» үміткер

10 Мамыр, 2017 20:47

Ағымдағы жылы Солтүстік Қазақстан облысының 140 түлегі «Алтын белгi» белгісіне үміткер. Бұл туралы облыстық білім басқармасының бастығы Шолпан Қаринова аймақ әкімдігінің аппарат отырысында хабарлады.

Ағымдағы жылы білім беру құрамының өзгеруіне байланысты қорытынды аттестациялау процедурасы екіге бөлінген, яғни бітіруші емтихандар және оқу орнына түсу үшін тасыратын емтихандар.

«Биыл түлектер мемлекеттік емтихандарды жүз пайыз 29 мамыр мен 9 маусым аралығында тапсырады. Емтихан бес пән бойынша болады және олар мектеп қабырғасында өтеді. Оқушылар атестаттарын қолдарына маусымның 10 мен 12 аралығында алады. Ағымдағы жылы мектепті 3630 түлек тәмәмдайды. Ал, 20 маусым мен 1 шілде аралығында бес пән бойынша Ұлттық бірыңғай тестілеу өтеді. Бүгінде ҰБТ-ға құжат тапсыру үшін база жасақталуда. Мамырдың 10 кейін ҰБТ-ға қатысушылар пайызы белгілі болады. Алдын ала мәліметтер бойынша бұл көрсеткші 60,5% құрап отыр», — деді Шолпан Қаринова.

Бұдан басқа, ағымдағы жылы «Алтын белгi» белгісіне 140 түлек үміткер. Сонымен қатар, биыл барлық тоғызыншы сыныпты бітірушілер негізгі мектепті тәмәмдағаны туралы қолдарына аттестат алатын болады, бұған дейін тек куәлік берілген.

Облыс әкімі Құмар Ақсақалов еске салып өткендей, 12 мамырда біріңғай ата-аналар жиналысы өтеді. Оның мақсаты — мектептер жанынан бақылау кеңестерін құру, яғни қоғамдық бақылауды күшейту.

Барлық жаңалықтар