Ақтөбе облысындағы 3 ауылға газ құбыры тартылады

10 Мамыр, 2017 17:19

Биыл Ақтөбе облысының Шалқар ауданындағы 3 ауылда газ бен су пайда болады, бұл туралы «Ақтөбе ақпарат» ақпараттық орталығында өткен баспасөз конференциясында Шалқар ауданының әкімі Бауыржан Қаниев хабарлады.

Спикердің айтуынша, 2016 жылы облыстық бюджеттен Байқадам және Қаратоғай ауылдарында газ құбырларының құрылысын бастауға қаражат бөлінген.

«2017 жылдың соңына қарай құрылыс жұмыстары аяқталады деп күтілуде. Сонымен қатар, Бершүгір, Сарсай және Алабас ауылдарында газ құбырларының құрылысына мемлекеттік сараптамадан өткен жобалық-сметалық құжаттама бар», - деп ақпараттандырды Б. Қаниев.

ТКШ дамыту тақырыбын жалғастыра келе, аудан әкімі 2016 жылы шалқар қаласының су құбыры желілерін қайта жаңарту жүргізілгенін, сондай-ақ қаланы дамыту аймағында су құбыры желілерінің құрылысы басталғанын атап өтті. Осылайша, 2017 жылы Аққайтым және Байқадам ауылдарында су құбыры желілерінің құрылысы басталады, ал Бершүгір ауылының су құбыры желілері қайта жаңартылатын болады.

Барлық жаңалықтар