• Басты
  • Қазақстан Дұбайдағы ЭКСПО-2020 көрмесіне қатысатынын ресми түрде растады

Қазақстан Дұбайдағы ЭКСПО-2020 көрмесіне қатысатынын ресми түрде растады

10 Мамыр, 2017 16:12
Қазақстанның елшісі Қайрат Лама Шариф ҚР Премьер-Министрі Бақытжан Сағынтаевтың атынан Біріккен Араб Әмірліктерінің Вице-Президенті, Премьер-Министрі, Дубай әмірлігінің билеушісі, шейх Мұхаммед бен Рашид Әл Мактумге Дубайда өтетін ЭКСПО-2020 дүниежүзілік көрмесіне Қазақстанның қатысатынын ресми түрде растайтын хатты тапсырды, деп хабарлады ҚР СІМ.

«Қазақстан Әмірліктердің Астанада өтетін ЭКСПО-2017 көрмесіне көрсетіп отырған қолдауын жоғары бағалайды, осы ретте араб тарабына ең үлкен  павильондардың бірі берілді. Астана ЭКСПО-2017 ұйымдастыру комитеті мен  «ЭКСПО-2020 Дубай» бюросының арасында жақсы байланыс орнатылған.  Айта кетерлік жайт қос көрменің тақырыбы бір біріне етене жақын және ұзақмерзімді жобаларды бірлесіп жүзеге асыру мүмкіндіктері көп», – деді елші.

Өз кезегінде, шейх Қазақстанның Дубайдағы ЭКСПО-2020 көрмесіне қатысуы туралы ресми растауын қабылдап, бұл шешім екі ел арасындағы қарым-қатынасты одан ары нығайтатынын атап өтті.

«Әмірліктер көрмесінің тақырыбы «Болашақ үшін сана-сезімнің байланысы» деп аталады, ол «Мүмкіндік», «Жеделділік», «Тұрақтылық» («Opportunity», «Mobility» and «Sustainability») деген ұғымдарды біріктіреді.  Қазақстандық тараптың бағыттардың бірін таңдауы бүкіл әлемге адами капитал, қоғамның әлеуетін арттыру, технологиялық әлеует салаларында өз мүмкіндіктерін паш етуге мүмкіндік береді», - деп атап өтті шейх.

Сонымен қатар белгілі болғандай, ҚР білім және ғылым вице-министрі Асланбек Амрин  көрмедегі қазақстандық секцияның бас комиссары болып тағайындалды. 

Барлық жаңалықтар