Қазақстан мен Дания жаңартылатын энергия көздері саласында байланыс орнатуда
Бүгінде Қазақстан мен Дания маңызды мерейтойлық іс-шара - дипломатиялық қарым-қатынастар орнауының 25 жылдығын атап өтуде.
ҚР СІМ мәліметі бойынша, ширек ғасыр бойы дәйекті екіжақты қарым-қатынастардың дамуы өзара ынтымақтастыққа қызығушылықтың өсуін көрсетеді: түрлі деңгейлерде делегациялармен алмасуы жүзеге асырылуды, шарттық-құқықтық базаның берік іргетасы құрылды.
2000 жылдың қазанында Дания Корольдігіне ҚР Президенті Н.Назарбаевтың негіз болған ресми сапарынан бастап Астана Копенгагенмен диалогтың жан-жақты дамуына маңызды мән береді.
Қазақстан мен Дания арасындағы байланыстарды нығайту сауда-экономикалық, инвестициялық және ғылыми-технологиялық әріптестіктің одан әрі тереңдеуіне ықпал етеді. Жаңартылатын энергия көздері мен ауыл шаруашылығы саласындағы ынтымақтастыққа басым назар аударылады.
Қазақстан мен Дания бейбітшілік пен жаһандық қауіпсіздікті нығайтуда өз үлестерін қосуға ұмтыла отырып, халықаралық аренада сындарлы өзара іс-қимылды жүзеге асыруда.
Жиырма бес жыл бұрын іргетасы қаланған қарым-қатынастардың қол жеткізген деңгейі олардың қолайлы перспективалары мен әлеуетті өсуінің айғақтайды.
