Тараз қаласының 600 тұрғыны Жеңіс күніне орай ұйымдастырылған велошеруге шықты

9 Мамыр, 2017 14:32

Жамбыл облысында Ұлы Жеңістің 72 жылдығына және Отан қорғаушылар күніне арналған велошеру өтті, деп хабарлады өңір әкімдігі.

Велошеру бағыты: «Достық» орталық алаңы - «Әулие Ата» әуежайы (10 шақырым).

Велошеруге облыс әкімінің аппараты, облыс әкімдігінің басқармалары, құқық қорғау және сот органдары, аумақтық басқармалар мен мекемелер, Тараз қаласы және аудан әкімдіктерінің аппараттары, акционерлік қоғамдар, Тараз қаласында орналасқан кәсіпорындар мен мекемелер, жоғарғы және арнайы орта оқу орындары мен қала тұрғындарынан құралған 600-ден астам адам қатысты.

Велошеруді өткізу бойынша үйлестіруді Жамбыл облысы әкімдігінің дене шынықтыру және спорт басқармасы мен Тараз қаласының әкімдігі жүзеге асырды.

Велошеру жарысын ұйымдастырудың негізгі мақсаты, бұқаралық спорт түрлерін дамыту және салауатты өмір салтын насихаттау, облысымыздың тұрғындарын дене шынықтыру және спортпен жүйелі түрде айналысуға тарту және қолжетімді велосипед спортымен шұғылдануға қызығушылығын арттыру.

Барлық жаңалықтар