• Басты
  • 5488 ақмолалық ардагер біржолғы материалдық көмек алды

5488 ақмолалық ардагер біржолғы материалдық көмек алды

9 Мамыр, 2017 11:08
Ұлы Отан соғысындағы Жеңістің 72 жылдығын тойлау қарсаңында Ақмола облысында да Ұлы Отан соғысының қатысушылары мен мүгедектеріне материалдық көмек көрсетілді. Барлық төлемдер 9 мамырға дейін төленді, деп хабарланды Өңірлік коммуникациялар қызметінде.

Өңірде біржолғы материалдық көмектің қосымша төлемдерінің бірыңғай мөлшерлері белгіленді: Ұлы Отан соғысының қатысушылары мен мүгедектеріне 76 АЕК мөлшерінде төленді, бұл 172 400 теңге. Көкшетау қаласында төлем 200,0 мың теңгені құраған.

Бұдан бөлек, төлемдерді Ауғанстан мүгедектері, ЧАЭС мүгедектері, Венгр оқиғаларына қатысушылар, бұрынғы КСРО-ны қорғау кезінде мүгедек болғандар, концлагерьлерде болған тұтқындар, «Ленинградты қорғағаны үшін» медалімен және «Блокадалық Ленинград тұрғыны» белгісімен марапатталған адамдар, ҰОС жылдары қаза тапқандардың жесірлері де алды.  

Ақмола облысы бойынша біржолғы көмекті 63 млн теңге сомасында барлығы 5488 адам алды.

Бүгінгі таңда өңірде 3668 ҰОС қатысушысы мен мүгедегі; 176 342 ҰОС жылдарындағы тыл еңбеккері; 220 блокадалық Ленинград тұрғыны; 548 концлагерьлердің, гетто және басқа да мәжбүрлеп ұстау орындарының бұрынғы кәмелетке толмаған тұтқыны; 110 ҰОС уақытында қаза тапқан (із-түзсіз жоғалып кеткен) әскери қызметкерлердің, партизандардың, астыртын жұмысшылардың қайта тұрмыс құрмаған жесірлері; 9386 қайтыс болған соғыс мүгедектерінің әйелдері тұрады.

Барлық жаңалықтар