Жеңіс күні аясында Қазақстанда 400-ге жуық шара өтеді
Вице-министр өз сөзінің басында, қазіргі кезде елімізде, 2 776 - Ұлы Отан соғысына қатысқандар мен мүгедектер, 157 679 - ҰОС жылдарында тылда жұмыс істегендер; 194 - қоршауда болған Ленинград қаласында жұмыс істегендер; 487 – кәмелетке толмаған кездерінде концлагерьлерде, гетто және басқа да мәжбүрлеп ұстау орындарында болғандар; 7 806 - қайтыс болған соғыс мүгедектерінің әйелдері; 80 – ҰОС кезіндегі әскери қызметкерлер, партизандар, астыртын жұмыс істегендер, қайтыс болғандардың (із-түссіз жоғалып кеткендер) қайта үйленбеген жұбайлары; өзге де Жеңіске үлес қосқан санаттардан 778 азамат өмір сүріп жатқанын еске салды.
«Ұлы Отан соғысындағы Жеңістің 72 жылдығын мерекелеу қарсаңында, Қазақстан аймақтарында еске алу акциялары, ескерткіштерді қалпына келтіру бойынша «Мәңгілік алау», әскерге шақырылған жастар мен әскери қызметкерлердің, еріктілер қозғалыстары өкілдерінің ҰОС ардагерлері мен тыл еңбеккерлеріне көмек көрсетуі тұрғысында «25 игі іс», «Мейірім эстафетасы», «Ардағым ардагерім», ҰОС басталғанына 76 жыл болғанына байланысты «Тағзым шырағы», ардагерлердің қатысуымен ағаш отырғызуды қамтитын «Бейбітшілік ағашы», «Жаужүрек полк» шаралары, «Есте сақтаймыз! Мақтан тұтамыз» фотокөрмесі, спорттың қолданбалы түрлерінен қойылымдар, ҰОС қаһармандарын насихаттау кештері, мұражайларға тақырыптық саяхаттар және басқа да қоғамдық маңызды шаралар өткізілуде», - деп ағынан жарылды вице-министр Светлана Жақыпова ОКҚ-дағы ҰОС ардагерлерін әлеуметтік қолдау, аз қамтылған азаматтарды әлеуметтік қолдау жүйесін жаңғырту және ең төменгі күнкөріс деңгейін қайта қарастыру мәселелеріне арналған брифингте.
