Астаналық құтқарушылар ЭКСПО-2017 аумағында кезекшілікке дайындалуда

Астана қаласында «EXPO-2017» халықаралық мамандандырылған көрмесін өткізу қарсаңында, Астана қаласының ТЖД Азаматтық қорғаныс басқармасының ұйымдастыруымен, «ЕХРО-2017» аумағында тамақтан улануларға және радиациялық, химиялық улану қаупіне жедел ден қою үшін Департаменттің Бірыңғай кезекшілік-диспетчерлік қызмет басқармасы және Өрт сөндіру және авариялық-құтқару жұмыстары қызметінің күштері және құралдарының жедел басқару орталығының жеке құрамымен сабақ өтті.

Сабақта мүдделі органдар мен ұйымдардың көрме аумағында радиациялық, химиялық және биологиялық заттар табылған кезде төтенше жағдайларды жою жөніндегі өзара әрекеттесу бірлескен жоспары, «EXPO-2017» объектілерінде ықтимал тамақтан улануға жедел әрекет  ету жөніндегі бірлескен ic-қимылдар алгоритмі мен «EXPO-2017» аумағындағы радиациялық және химиялық қауіпке жедел ден қою алгоритмі жеткізілді.

Сабақ  барысында Астана қаласы Қоғамдық денсаулық сақтау департаменті, Астана қаласы Экология департаменті, ҚР ҚҚ арнайы әскерлерінің бас басқармасы және жергілікті атқарушы органдар мүдделі органдарымен өзара әрекеттесу мәселелері қарастырылды.