Үш елдің журналситері БАҚ бостандығы мен жауапкершілігін талқылады

5 Мамыр, 2017 10:51

Астанадағы Қазақстанның Бас редакторлар клубы мен Киевтегі Альраид ислам мәдени орталығының қолдауымен HWPL халықаралық үкіметтік емес ұйым Қазақстан, Ресей, Украина журланистерінің басын телекөпір арқылы қосып медиафорум өткізді. Кездесуде сөз сөйлеген журниалистер «Бейбіт және әділ қоғамды құру: БАҚ еркіндігі мен жауапкершілігі» тақырыбын қозғады.

Дүниежүзілік баспасөз бостандығы күніне орай «VOICE OF PRESS IN CIS (RUSSIA UKRAINE KAZAKHSTAN)» онлайн-байланыс жүйесінде өткен медиафорумда БАҚ-тағы сөз бостандығы және жауапкершілік мәселесі талқыланды.

Медиа-көпірге 20-ға жуық журналист қатысты, олардың ішінде Ресейден Бүкілресейлік телерадиокимпаниясының Халықаралық қатынастар дирекциясын басқаратын Петр Федоров, Қазақстаннан Бас редакторлар клубының президенті Ерлан Бекқожин және Клуб мүшелері, Украинадан Саяси жаңалықтардың өкілі ретінде Игорь Шевырев болды.

Медиа саласының қызметкрелері әр мемлекеттегі сөз бостандығы мен жауапкершілік деңгейін бағалады.

«Сөз бостандығы болуы керек – ол ауадай қажет. Тек кейде біз бостандықтың көптігінен жауапкершілікті ұмытып жатамыз. Еркіндік деңгейіне 9, ал жауапкершілікке – 2 деген баға қояр едім. Бұл Қазақстандағы немесе ТМД-дағы журналистиканың бағасы ғана емес, сонымен қатар бүкіл әлемдегі журналистикаға берген бағам. Өкінішке қарай, әріптестеріміз осы сөз бостандығы деп, оның кейін тигізетін зардаптары туралы ұмытып кетеді», - деді Қазақстанның Бас редактор клубының президенті Ерлан Бекқожин.

Қазақстандық журналистер өзара түсініктікке ұмтылу керегін және журналистика елдерді жауластырмай, керісінше елдестіру бағытында бірігіп жұмыс істеулері керек деген тоқтамға келді.

Дерек үшін, HWPL әлемнің түрлі еліндегі 130-ға жуық журналистермен жұмыс істейді.

Барлық жаңалықтар