2017 жылы ҚР-да халықаралық бағдарламалар деңгейіндегі инженер мамандар дайындалады
21 Желтоқсан, 2013 12:56
Еліміздің 8 ЖОО-да инженер мамандарға халықаралық деңгейдегі сертификат берілмек, деп хабарлайды ҚР БҒМ баспасөз қызметі.
«Бұл үшін елімізде алдын ала жұмыстар жасалмақ. Атап айтар болсақ, халықаралық талаптар бойынша ұлттық мамандандырылған тәуелсіз тіркеуден өткен ЖОО техникалық мамандықтарының базасы анықталады», - делінген хабарламада.
Сонымен қатар, халықаралық деңгейдегі мамандарды дайындайтын инженерлік мамандықтың білім беру бағдарламасын дайындау қарастырылуда.
Елімізде Ұлттық біліктілік жүйесін енгізу аясында ЖОО түлектерін сертификаттау жұмыстары жалғаса беретін болады.
