ЭКСПО кезіндегі спорттық шараларға кез келген адам қатыса алады

«Астанада шамамен 20 халықаралық спорттық шаралар өткізіледі. Маусым айынан бастап ең қызықты спорттық шаралар басталады. Айта кетерлік жайт, «Қазына» ипподромында ұлттық спорт түрлерінен жарыстар ұйымдастырылады. Онда бәйге, аударыспақ және т.б. жарыста өткізіледі», - деді С. Кабдулин. 

Ал, қаладағы шаралар «Дәулет» ұлттық теннис орталығында өтеді.

«Онда Азия, әлем чемпионаттары өтеді. Мамыр айының ортасынан  бастап Astana Fitness Park жексенбілік жаттығуларды Астаналық, Жерұйық пен Студенттік саябақтарында өткізеді. 25 маусымда Астанада үшінші рет дуатлон бойынша қалалық турнир өз алауын көтереді. Сонымен қатар, 18 жастан асқандар жарысқа қатысқысы келсе өз мүмкіндіктерін сынай алады», - деді басқарма басшысының орынбасары.

Самат Қабдулин атап өткендей, елорда да 11 шілдеде  Мәскеу-Астана-Сиань автораллийі өтеді. Жоспар бойынша қала арқылы 500 көлік жүріп өтеді деп көзделуде.

Естеріңізге сала кетейік, бұған дейін елорда әкімдігі ЭКСПО-2017 көрмесі аясында өтетін мәдени шаралар туралы хабарлаған болатын.

Ақбота Күзекбай