• Басты
  • «Астана Опера» сахнасында жеңіс әндері шырқалады

«Астана Опера» сахнасында жеңіс әндері шырқалады

3 Мамыр, 2017 17:38
9 мамырда «Астана Опера» театрының Үлкен залында Жеңіс күніне арналған мерекелік концерт өтеді.

«Жеңіс әндері, көктем әуендері» атты концерт бағдарламасына театрдың жетекші опера солисттері қатысады. Режиссердің ойы бойынша музыка көрерменді соғысқа дейінгі уақытқа, сосын соғыс жылдарына жетелейді, ал концерт жеңіс әндерімен аяқталады. Осы кеште дирижерлік тұғырға Қазақстанның еңбек сіңірген қайраткері маэстро Абзал Мұхитдинов шығады. «Астана Опера» театрының бас хормейстері – Қазақстанның еңбек сіңірген қайраткері – Ержан Дәуітов, концерттің режиссері Еренбақ Тойкенов. 

«Астана Операның» хабарлауынша, бағдарламада соғыс жылдарының танымал әндері, сонымен қатар қазақ, орыс және батыс еуропа классикасының ең үздік туындылары опера солисттерінің, хор және оркестр әртістерінің орындауында шырқалады.

Айта кетерлік жайт, театр әртістері орындалмаған жаңа нөмірлерді дайындауда. Сонымен қатар, соғыс жылдарындағы кинофильмдерден алынған кадрлар шырқалатын әндердің мәнін ашуға мүмкіндік береді, және оларды оркестрлік һәм хор нөмірлері айшықтай түседі. 

Барлық жаңалықтар