ОҚО-да жылына 600 тонна балық өндіретін жаңа зауыт ашылды
3 Мамыр, 2017 12:48
Шардара ауданында үдемелі индустриалды-инновациялық даму бағдарламасы аясында тағы бір балық зауыты ашылды, деп хабарлады Оңтүстік Қазақстан облысының әкімдігі.
Жылына 600 тонна балық өнімдерін өндіруге қауқарлы зауыт «Оңтүстік» аймақтық инвестициялар орталығы арқылы 42 млн. теңге көлемінде төменгі пайызбен несие алған. Бүгінде 30 адамды жұмыспен қамтып отырған серіктестік алдағы уақытта өндірісін кеңейтіп, балық өсіруді де қолға алмақ. Қазіргі күні мұнда балықтың филе, мұздатылған және ысталған түрлері өндіріліп отыр.
Ал, өндірілген өнім Еуропа елдерінің нарығына шығарылуда.
