• Басты
  • Сауд Арабиясы ЭКСПО-2017 көрмесінде жоғары технологиялық жобаларын ұсынады
2 Мамыр, 2017 17:36

Сауд Арабиясы ЭКСПО-2017 көрмесінде жоғары технологиялық жобаларын ұсынады

"Астана ЭКСПО-2017" ҰК" АҚ Басқарма Төрағасы Ахметжан Есімов Сауд Арабиясы Корольдігінің энергетика, өнеркәсіп және минералды ресурстар министрі Халид әл Фалихпен кездесті, деп хабарлады ұлттық компания.
Сауд Арабиясы ЭКСПО-2017 көрмесінде жоғары технологиялық жобаларын ұсынады

Кездесу барысында Ұлттық компания басшысы Сауд Арабиясының павильоны көрмедегі ең үлкен павильондардың бірі екенін атап өтті.

«Барлық жұмыстар аяқталу кезеңіне таяу. Қазіргі кезде қатысушы мемлекеттер павильондарын толтырумен қарқанды айналысуда. Сіздің елдің павильоны келушілер саны және контенттік мазмұны жағынан тартымды болатынына сенімдімін», - деді А. Есімов.

Халид әл Фалихтің айтуынша, Сауд Арабиясының ЭКСПО-2017 көрмесіне қатысуы екі елдің экономикалық қарым-қатынасының нығаюына септігін тигізбек.

«Біздің ел карбоннан жоғары технологиялық өнімдер шығарады. Көрмеге осы сала бойынша жаңа жобалар алып келеміз», - деді министр.

Әңгіме барысында Сауд Арабиясы Корольдігінің энергетика, өнеркәсіп және минералды ресурстар министрі Астанадағы ЭКСПО-2017 көрмесінің ашылу рәсіміне қатысатыны белгілі болды.

Барлық жаңалықтар