БҚО-ның негізгі капиталына 3 айда инвестиция көлемі 49,2 млрд теңгені құрады
2 Мамыр, 2017 10:38
Батыс Қазақстан облысында 2017 жылдың қаңтар-наурызында негізгі капиталға салынған инвестиция көлемі қайта бағалау есебімен 49,2 млрд. теңгені құрады, деп хабарлады аймақтың статистика департаменті.
Нақты көлем индексі 2016 жылғы тиісті кезеңге 72,6% құрады.
Инвестициялардың технологиялық құрылымының 45,8% ғимараттар мен имараттардың құрылысы және күрделі жөндеу бойынша жұмыстар, 30% - машиналар, жабдықтар, құрал-саймандар, 24,2% - басқа күрделі жұмыстар мен шығындар құрады.
2017 жылдың алғашқы үш айында инвестициялық салымдардың 72,2% өнеркәсіпке, 17,3%-жылжымайтын мүліктермен жасалатын операцияларға, 3,8% - көтерме және бөлшек сауда бағытталды.
Негізгі капиталға салынған инвестицияның қомақты көлемі Бөрлі (22,8 млрд.теңге), Зеленов (12,5 млрд.теңге) аудандарында және Орал қаласында (12,4 млрд.теңге) байқалады.
