Астана Қазақстан халқының бірлігі күнін атап өтуде (ФОТОРЕПОРТАЖ)

1 Мамыр, 2017 15:57

Астанада 1 мамыр – Қазақстан халқының бірлігі күнін атап өтуге арнайы мәдени-ойын-сауық бағдарламасы дайындалды. Мерекелік шаралар қаланың алаңдарында, тұрғын алабында және концерттік залдарда өтуде. «Қазақ елі» алаңында өтіп жатқан мерекелік шара туралы «Strategy2050.kz» АА фоторепортажынан көріңіздер.

Қазақстан халқының бірлігі күні – ең мейірімді және жарқын мейрамдардың бірі. Ол достық, ынтамақ, келісім мейрамы. Бүл күнді Қазақстанда бір шаңырақтың астында бейбітшілік пен келісімде бір ұлт болып өмір сүріп келе жатқан 150-ден астам ұлттың өкілдері атап өтеді. 1 мамыр мерекесінің мағынасыда осында.

Мерекелік концерт пен халықтық серуендер «Қазақ елі» алаңында өтіп жатты. Мұнда елорданың барлық этнос өкілдері шатыр тігіп, ұлттық тағамдарынан дастархан жайды.

Бұдан басқа мейрамның символдары мен атрибуттары халық назарына ұсынылды. Сондай-ақ қазақша күрес, асық, арқан тарту сияқты ұлттық ойындар ойнатылды.

Меркелік шарада елордалық және республикалық деңгейдегі би ұжымдары мен әншілер, әртістер өнер көрсетті.

Осы ретте Қазақстан халқы Ассамблеясыда мерекелік шараға атсалыса отырып, қайырымдылық шарасын өткізді. Оның аясында алты жасар Айымжан Досжанның Герменияда иммунды терапиядан өтуі үшін қаржы жинастырылды.

Естеріңізге сала кетейік, Қазақстан Республикасының Президенті Нұрсұлтан Назарбаев барша қазақстандықтарды 1 мамыр – Қазақстан халқының бірлігі күнімен құттықтады.

Қайрат Жандыбаев

Фото автордан

Барлық жаңалықтар