ШҚО-да патриоттық акцияға 12 мыңнан астам адам қатысты

2 Мамыр, 2017 08:46

Өскеменде «Мен – Қазақстанның патриотымын!» акциясы өтті, оған түрлі ұйымдардың 66 ұжымы қатысты, деп хабарлады Шығыс Қазақстан әкімдігі.

Бұл күні мерекелік шаралар қаланың түрлі шағын аудандарында өтті. Ал, «Мен – Қазақстанның патриотымын!» акциясына 12 мыңнан астам адам қатысты. Облыс әкімі Даниал Ахметов аймақ тұрғындарын мерейлі мерекемен құттықтады.

«Тарихқа көз жүрігтетін болсақ қазақ жері көптеген этностар үшін отанға айналды. Бұл жағдай біздің болмысымызды қалыптастырды. Біз бейбітшілік пен келісімде өмір сүреміз. Біз іс жүзінде Қазақстан Президенті Нұрсұлтан Назарбаевтың идеяларымен ынтымағымыз жарасқан халықпыз», – деді өз сөзінде Даниал Ахметов.

Республика алаңында мерекелік концерттер, спорттық шаралар мен жәрмеңкелер өтті. Сонымен қатар «EXPO-2017» халықаралық көрмесіне арналған викторина өткізілді. Жеңімпаздарға көрмеге қатысуға билеттер тарту етілді. Ал, «Нұр Орда» мектеп-лицейінің, Назарбаев зияткерлік мектебі мен жас техник станциясының өкілдері құлтемір техникасы мен зияткерлік ойындардың көрмесін өткізді.

Бұдан басқа, қалада қалалық парктер ашылды, онда арнайы алаңдар бүлдіршіндер үшін өз есіктерін ашты.