• Басты
  • Қазақстанда ең бақытты адамдар өмір сүреді – Клара Хан

Қазақстанда ең бақытты адамдар өмір сүреді – Клара Хан

1 Мамыр, 2017 16:31
1 мамыр – Қазақстан халқының бірлігі күнін атап өтуге оңтүстік астанадан елордаға «Қазақстан-Корея» достық қоғамының президенті Клара Хан келді. Ол барша қазақстандықтарды ортақ мейрам – Қазақстан халқының бірлігі күнімен құттықтады.

«Бүгін еліміз үшін ерекше күн. Белгілі болғандай, жақында ғана Астанада Қазақстан халқы Ассамблеясының XXV сессиясы өтті. Ассамблея жақсы естіледі, алайда оның мағынасы да зор. Ол – бірегей институт, оны біздің Президент қайта құру кезеңінде 1995 жылы құрды.  Осы институт пен біздің Мемлекет басшысының сарабдал саясатының арқасында келісім мен бейбітшілік орнап отыр. 130 ұлттың өкілдері бір отбасы ретінде өмір сүруде және мұндай жағдай бірде бір мемлекетте жоқ», - деп атап өтті К. Хан.

Қоғам басшысы өзінің ақ тілегін білдірді.

«Мерекеге келетін болсақ «Бірлік болмай, тірлік болмас» дейді ғой дана халқымыз. Сондықтанда бұд еліміз үшін, халқымыз ең бастысы. Біздің Елбасы 1 мамырды бірлік күні ретінде мойындады. Менің жеке пікірім ең бақытты адамдар Қазақстанда тұрады. Себебі біздің осындай Көшбасшымыз бар», - деді ол.

Ақбота Күзекбай

Барлық жаңалықтар