Қазақстан және Сауд Арабиясы энергетика саласындағы байланыстарды нығайту жөнінде келісті
Делегация құрамында Saudi Aramco (Мұнай және газ), Sabic (мұнай-газ-химия) және Maaden (тау-кен өнеркәсібі) ірі Сауд Арабиясы Корольдігі компанияларының басшылары бар.
Кездесу барысында тараптар 2016 жылғы қазандағы Эр-Риядтағы Мемлекет басшысы Н.Назарбаевтың сапары аясында қол жеткізілген бірқатар уағдаластықтарды талқылады. Тараптар мұнай-химия, атом өнеркәсібі және жаңартылатын энергия көздері салаларында екі жақты ынтымақтастықты нығайту мәселелерін қарастырды.
Атап айтқанда, тараптар екі елдің ынтымақтастығын келесі бағыттарда дамыту мәселелерін талқылады: бірлескен мұнай-газ-химия жобаларын іске асыру; атом өнеркәсібі саласында ынтымақтастықты кеңейту; Сауд Арабиясы АЭС-ін ядролық отынмен қамтамасыз ету бойынша өзара іс-қимыл мүмкіндіктерін зерделеу, сондай-ақ уран кен орындары мен технологияларын әзірлеу саласында тәжірибе алмасу.
Сонымен қатар Сауд Арабия Корольдігінің жаңартылатын энергия көздері (ЖЭК) саласындағы әлеуетін ескере отырып, тараптар бірлескен жобаларды және оларды іске асырудағы тәжірибемен, сондай-ақ ЖЭК саласын тиімді қолдау жүйесімен алмасудағы ықтимал ынтымақтастықты қарастырады.
Бұдан бөлек, кездесу барысында ведомство басшысы Қанат Бозымбаев Қазақстанның ОПЕК шеңберінде қабылдаған міндеттемелерін ағымдағы жылғы қаңтар айында орындағаны туралы атап өтті. Өндіру көлемі тәулігіне 1,673 мың баррельді құрады, ал 2017 жылғы қаңтар-наурыз есепті кезеңі ішінде 2016 жылғы қараша айымен салыстырғанда өндіру көлемі сәл асты. Сонымен бірге Қазақстан 2017 жылғы бірінші жартыжылдық қорытындысы бойынша қабылдаған міндеттемелерді орындау үшін бар күш-жігерін салып жатыр.
Сауд Арабия Корольдігінің делегациясы Қазақстанда ағымдағы жылдың 29 сәуіріне дейін болады. Жұмыс сапары шеңберінде Сауд Арабия Корольдігінің энергетика министрі ҚР Премьер-Министрі Б. Сағынтаевпен, «Астана ЭКСПО-2017» АҚ Басқарма басшысымен, Қазақстан Республикасының инвестициялар және даму, қорғаныс және аэроғарыш өнеркәсібі министрлерімен кездеседі.
