Қазақстан елшісі Түркия Президентіне сенім грамоталарын табыстады
26 Сәуір, 2017 19:56
Анкарада Қазақстанның Түркиядағы елшісі Абзал Сапарбекұлы Түркия Президенті Реджеп Тайип Ердоғанға сенім грамоталарын тапсырды, деп хабарлады сыртқы істер министрлігінің баспасөз қызметі.
Түркия Президентінің басшысы А.Сапарбекұлын сенім грамоталарын тапсыру салтанатынан кейін екіжақты кездесу форматында қабылдады.
Кездесу барысында қазақстандық дипломат Н.Назарбаевтың Түрік Президентіне 2017 жылдың 17 сәуірінде сәтті өткен референдумға қатысты ізгі ықыласын жеткізді.
А.Сапарбекұлы Қазақстандағы әлеуметтік-экономикалық жағдай мен елдің ауқымды халықаралық бастамалары туралы айтып берді.
А.Сапарбекұлы Р.Т.Ердоғанның Астанада 2017 жылдың 10-11 қыркүйегінде өтетін Ислам ынтымақтастық ұйымының сессиясына қатысатынына үміт білдірді.
Түркия басшысы елдер арасындағы тауар айналымы көлемін арттыру қажеттігін айтып, екіжақты ынтымақтастықтың инфрақұрылымдық жобалары мен инвестициялық маңыздылығын атап өтті.
