Батыс Қазақстанда 50 мың көшет отырғызылды
25 Сәуір, 2017 10:13
Батыс Қазақстанның аудандарында 50 мыңға жуық тал-терек отырғызылды, деп хабарлады облыс әкімдігінің баспасөз қызметі.
Қалалық мәдени және демалыс саябағында жалпықазақстандық орман алқаптарын отырғызу күніне арналған «Гүлдене бер, туған ел» акциясы өткізілді.Бұндай шара республикамыздың әр өңірлерінде Елбасымыздың бастамасымен «Туған ел» бағдарламасы шеңберінде өткізіліп жатқаны белгілі.
Қазіргі таңда өңірде, яғни аудандар мен қалаларды қоса алғанда, 50 мыңға жуық тал-терек отырғызылады.
Өткен жылы Батыс Қазақстан облысында 60 мың көшет отырғызылды, биыл аталмыш акция аясында 50 мың ағаш отырғызылды. Әкімдікте хабарлағандай, абаттандыру шаралары бұдан әрі де жалғасын табады.
