• Басты
  • Шардарада мақтаны егу алаңы кеңейтілді
25 Сәуір, 2017 08:42

Шардарада мақтаны егу алаңы кеңейтілді

Шардара ауданындағы Жаушықұм ауылының мақташылары тың технологиялық әдіспен шитті мақта егу ісін облысымызда алғашқылардың бірі болып бастады, деп хабарлады ОҚО әкімінің баспасөз қызметі.
Шардарада мақтаны егу алаңы кеңейтілді

Мақта шитін жаңа тәсілмен еккен белсенділердің бірі «Иіржар-агро» ЖШС-гі. Серіктестіктің егістік алқабында жаңа технологиялық әдіс бойынша соңғы 5 жылдан бері мақта егіліп келеді. Былтырғы жылы 240 гектарға егілген мақталықтың әр гектарынан 51 центнерден өнім алған шаруалар биыл егістік көлемін 300 гектарға ұлғайтып отыр.

  Жаңа технологиялық әдістің пайдасы мол екенін айтқан шаруалар бұл техника бір мезетте үш қызметті атқаратынын айтты. Мәселен, техника шит тұқымын шахмат әдісімен топыраққа біркелкі тастап, сонымен бірге тамшылатып суару жүйесін қоса көміп, оның үстінен пленка жауып та үлгереді. Осылайша, дәлдікпен егілген шит тұқымы тез өсіп, жетілсе, тамшылатып суарудың нәтижесінде қоза көсегі түгелдей дерлік ашылып, өнім көрсеткіші екі есе артады.

  «Иіржар-агро» серіктестігінің атқарушы директоры Бақыт Қамбаровтың айтуынша биылғы жылы мақтаның элиталық «2747» және қытай сортын орналастырып жатыр. Бір гектарға 270-280 мың теңге көлемінде шығын жұмсайтын шаруашылық берекелі күзде бұл шығынның еселеп қайтарына сенімдері мол.

  Жалпы Шардарада 59 300 гектар жер игерілсе, оның 14 мыңнан астам гектарына шитті мақта егіледі деп күтілуде. Ал, Жаушықұм ауылында биылғы жылы жалпы 3702 гектар алқапқа әртүрлі дақылдар егу жоспарланып отыр. Оның 300 гектарына жаңа техникалық әдіспен мақта егілмек.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды