• Басты
  • Мәжіліс депутаттары Вьетнам делегациясымен ынтымақтастық мәселелерін талқылады
24 Сәуір, 2017 18:56

Мәжіліс депутаттары Вьетнам делегациясымен ынтымақтастық мәселелерін талқылады

Қазақстан Республикасы Парламентінің МәжілісіҚР Парламенті Мәжілісінің вице-Спикері Гүлмира Исимбаева Вьетнам Коммунистік партиясы Орталық комитетінің сыртқы байланыс жөніндегі комиссиясының төрағасы Хоанг Бинь Куан бастаған делегация өкілдерімен кездесті,деп хабарлады Мәжілістің баспасөз қызметі.
Мәжіліс депутаттары   Вьетнам делегациясымен ынтымақтастық мәселелерін талқылады

Мәжіліс Төрағасының орынбасары делегация мүшелерін келе жатқан мерекемен құттықтай отырып, Вьетнам халқына жаңа табыстар мен игілік тіледі. Мәжіліс Төрағасы орынбасарының айтуынша, Қазақстан аталған елді Оңтүстік-Шығыс Азиядағы маңызды әріптес ретінде қарайды.

Вице-Спикер атап өткендей, дипломатиялық қарым-қатынас орнаған 25 жыл ішінде қос ел арасындағы ынтымақтастық барлық салада әсіресе, саяси, сауда-экономикалық бағытта қарқынды дамып келеді. Өз кезегінде Хоанг Бинь Куан Қазақстан мен Вьетнамның екіжақты қарым-қатынастың жаңа деңгейіне көтерілгеніне сенім білдірді.

Тараптар екі мемлекет арасындағы өзара іс-қимылдың әлеуеті зор екендігіне назар аударып, осы ретте Еуразиялық Экономикалық Одақ елдері арасындағы және Вьетнаммен еркін сауда аймағы туралы келісімнің мүмкіндігіне тоқталды. Басым бағыттар қатарында ауылшаруашылығы, туризм, сондай-ақ, мұнай-газ салаларын атап өтуге болады. Мәжіліс вице-спикері сонымен бірге, парламентаралық қатынастарды тереңдетудің маңыздылығына тоқталды. Бұл жолда ынтымақтастық жөніндегі топтардың өзара іс-қимылының, заң шығару қызметіндегі тәжірибе алмасулардың мүмкіндігі зор.

Кездесу барысында Г. Исимбаева меймандарды елімізде жүргізілген конституциялық реформа жайында толыққанды хабардар етті. Жүздесуге сондай-ақ, Мәжіліс депутаттары, «Қазақстан-Вьетнам» ынтымақтастық жөніндегі топтың мүшелері Мұхтар Ерман мен Ирина Унжакова қатысты.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды