ҚР ИДМ Техникалық реттеу және метрология комитетінің төрағасы тағайындалды
21 Сәуір, 2017 18:14
ҚР Инвестициялар және даму министрінің 2017 жылғы 20 сәуіріндегі бұйрығымен Дұғалов Ғалымжан Тілектесұлы ҚР ИДМ Техникалық реттеу және метрология комитетінің төрағасы болып тағайындалды, деп хабарлады Техникалық реттеу және метрология комитетінің баспасөз қызметі.
2011 жылдан бастап Дұғалов Ғалымжан ҚР Инвестициялар және даму министрлігі Техникалық реттеу және метрология комитетінің төрағасының орынбасары қызметін атқарды.
Оның еңбек жолы 1994 жылы СІМ Халықаралық экономикалық қатынас басқармасынан басталды, кейін ҚР Президенті Әкімшілігінің экономикалық саясат бөлімінде жұмыс істеді.
1996 жылы ҚР метрология және сертификаттау, стандарттау комитетінің стандарттау және сертификаттау бөлімінің басшысы қызметін атқарды.
